 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Праводзіла з дому...
На ўзьмежку бацькоўскага поля:
«Сынок мой... – сказала, –
які ж мне наказ табе даць?
Ніколі ня збочваць з дарогі –
зайздросная доля.
Ды хай не міне цябе доля
дарогу губляць.
Хай зьведаеш ты
Нежалобную долю блуканьняў,
Хай знойдзеш – і зьнішчыш,
Хай дойдзеш – і кінесься прэч,
Спазнаеш
Сустрэчу
У час спусташальных расстаньняў,
Спазнаеш
Расстаньне
У час невыносных сустрэч.
Хай страціш ты многа,
Каб долі сапраўднай ня страціць».
Ён жыў гэтай доляй.
Кахаў.
Расставаўся.
Блукаў.
Дадому вярнуўся:
«Сынок мой, – спыталася маці, –
Знайшоў ты ці страціў?..»
Заплакаў –
I ў ногі
Упаў.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
